አሶሺየትስ(ተባባሪዎች)
500+
የመረጃ እና የቴክኖሎጂ ዘመን ተብሎ በሚጠራው በዚህ ጊዜ እግዚአብሄር የወንጌልን አደራ ለሰው ልጆች ሁሉ ከመቼውም ጊዜ በላይ በፍጥነት እና በቀላሉ ለማድረስ ይቻለን ዘንድ የሚረዱ ብዙ እድሎችን እንደሰጠን እናምናለን።ቀደምት ክርስቲያኖች የሮም ነገስታት ለወታደራዊ እና ፖለቲካዊ ጥቅሞቻቸው ሲሉ የሰሯቸውን መንገዶች ተጠቅመው ወንጌልን ከኢየሩሳሌም እስከ ሮም ብሎም ወደ አህዛብ ሁሉ ማድረስ እንደቻሉ ሁሉ እኛም ኢንተርኔትን እና ሌሎች የዲጂታል ቴክኖሎጂ እመርታዎችን በመጠቀም ወንጌልን ለሰዎች ሁሉ ለማድረስ እየተጋን እንገኛለን።
ይህንንም እንድናደርግ የሚያስገድዱን ሁለት ዋና ዋና ምክንያቶች አሉን
የመጀመሪያው ወደ ዓለም ሁሉ ሂዱ የሚለው የተልእኮችን መርህ ነው።በአሁኑ ጊዜ ከአለማችን ህዝብ 2/3ተኛው መገኛውን ኢንተርኔት ላይ አድርጎአል። እንደ ኢትዮጵያ ባሉ ታዳጊ ሀገሮችም ቢሆን ከእለት እለት በማይታመን ፍጥነት ብዙዎች ወደዚህ ቴክኖሎጂ እየተቀላቀሉ ይገኛሉ። ጎግልን በመሳሰሉ የመረጃ አሳሾች ደግሞ በየዕለቱ በሚሊዮን የሚቆጠሩ ሰዎች ስለ እግዚአብሄር፤ ስለ መንፈሳዊ ህይወት፤ ስለ ደስተኛነት እና ስለፍቅር የተመለከቱ የተለያዩ ጥያቄዎችን ይጠይቃሉ ታዲያስ ለነዚህ ሁሉ የህይወት ጥያቄዎች ምላሽ የሆነውን የወንጌል እውነትን እኛ ካላቀረብንላቸው ማን ያቀርብላቸዋል ? ደግሞስ ወደ አለም ሁሉ ልንሄድባቸው ከሚገቡን መንገዶች አንዱ ኢንተርኔት ካልሆነ ሌላ ምን ሊሆ ን ይችላል?
ሁለተኛው ደግሞ ዲጂታል ቴክኖሎጂ ለዘመናችን ያመጣቸው መልካም እድሎች እንዳሉ ሁሉ የክፋት አሰራርም በቀላሉ በሰዎች መሀከል በፍጥነት እንዲሰራጭ መንገድ መክፈቱ ነው። ከነዚህም መሀከል በአሁኑ ሰዓት ዘረኝነት እና የጥላቻ ንግግሮች ሀገራትን እየፈተነ ይገኛል፤የፖርኖግራፊ ሱስ የብዙዎችን ትዳር እና ቤተሰባዊ ህይወት የሚያናጋ ተግዳሮት ሆኗል፤ይህም ችግር ከሀገር አልፎ የቤተክርስቲያንም ፈተና ሆኗል። እናም እሾህን በእሾህ ነውና እየጠፋ ያለውን ትውልድ የምንታደግበት የውጊያ አውዳችን ይህ የዲጂታል ቴክኖሎጂ ካልሆነ ምን ሊሆን ይችላል?
ስለዚህም እንደ ግሬት ኮሚሽን ሚኒስትሪ ኢትዮጵያ የዲጂታል ስትራቴጂ አገልግሎትን እንደ አንዱና ዋነኛው የወንጌል ማሰራጫ መንገድ አድርገን ብዙዎችን በማግልገል ላይ እንገኛለን በዚህም በእግዚአብሔር እርዳታ በየአመቱ በሚሊዮኖች የሚቆጠሩ ሰዎችን በማህበራዊ ሚዲያ እና በድህረገፆቻችን እንዲሁም በሞባይል አፖቻችን እያገለገልን እንገኛለን።እርሶም እነዚህን መተግበሪያዎች በመጠቀም ወንጌልን ለወዳጆቾ በማካፈል አብረውን ሊያገለግሉ ይችላሉ።
500+
10,000+
500+
7.7 M
34,959
29+
ዮቶር ቤተ ክርስቲያናት አባላትን እና የተለያዩ ቡድኖችን በማስገባት እንዲያስተዳድሩ የሚያስችል የቤተክርስቲያን አስተዳደር ስርዓት ነው።
ወጣቶች ሁለንተናዊ በሆነ መልኩ እንዲያድጉ ለመርዳት እና ግባቸው ላይ እንዲደርሱ የሚያስፈልጋቸውን ትምህርቶች ለማቅረብ የተሰራ የሞባይል ትምህርት መተግበሪያ ነው።
ኢንተርኔት በሌለበት ስፍራ ለሌሎች ፋይሎችን ለማጋራት እንዲያስችል ተደርጎ የተሰራ መተግበሪያ ነው።
ግለሰቦች እና መሪዎች ዋትስአፕ እና ቴሌግራም በመጠቀም ተከታታይ መልእክቶችንና እና ውይይቶችን በመፍጠር ለተከታዮቻቸው ለማድረስ የሚረዳ ስርዓት ነው።
ስለህይወት እና ስለእግዚአብሄር በነፃነት ጥያቄ የሚጠይቁበት ድረገጽ
ለምን ብቻዎትን ይጨነቃሉ? እኛም ገመና አለን ገመናዎትን ያካፍሉን።
በየቀኑ ወደ ኢየሱስ እንድትቀርብ ለማድረግ ታስቦ የተሠራ ነው
©ግሬት ኮሚሽን ሚኒስትሪ ኢትዮጵያ። መብቱ በህግ የተጠበቀ ነው።
